Día da árbore

Hoxe celebramos o día da árbore, e como xa ven sendo habitual, plantamos unha árbore na escola. Esta ano tocounos unha oliveira, así que alá fomos, todo Infantil, a plantar a arboriña. Aproveitamos a ocasión para transplantar un carballo que durmía, esquecido, baixo as hortensias, e que seguro que agora vai medrar mellor nesta nova ubicación.

Van chegando as cartas!

Contabamos con que tardarían un día máis, pero parece que as cartas tiñan présa por chegar aos seus destiños. Déixovos eiquí o "epistolario" completo. 

Cartas aos amigos

View more presentations from PiliR.

Cartas da amizade

As cartas van de camiño! Prestade atención aos vosos buzóns, que dentro dun par de días haberá correspondencia!

A nosa colección de botóns

A nosa colección de botóns vai tomando forma. Aínda non os contamos, pero temos xa uns cantos grazas á vosa colaboración. Temos botóns grandes e pequenos, con e sen buratos, divertidos, bonitos, curiosos e incluso algunha parella de botóns xemelgos. Gústanos moito velos coa lupa. Xa vos contaremos máis.

" El león que no sabía escribir "

MARTIN BALTSCHEIT. Lóguez Ediciones

Todo comenzou con este conto que Bulebule nos trouxo da biblioteca. O león non sabía escribir, pero isto a él non lle importaba, pois podía ruxir e ensinar os dentes e non precisaba de máis. Pero un día deu cunha leona ...

... e entón ocurríusenos a idea; igual que o león quería escribirlle cousas bonitas á leona, tamén nós escribiremos cousas bonitas aos nosos compis. Unha vez feitas as cartas, haberá que estar pendentes do noso buzón de correos, que algunha seguro ha chegar.

E falando de todo un pouco, saíu o tema das coleccións, porque os selos de correos pódense coleccionar, pero tamén hai na clase quen colecciona cunchas da praia, tazos de gormitis, locomotoras, e seguro que algunha cousa máis.