Día da Paz

As Cores da Paz, simbolizadas polo arco da vella, foron o motivo central da  nosa celebración do 

Día da Paz deste ano 2013. 

Grazas a todos por contribuir na creación deste arco da vella tan especial.

E grazas tamén aos chicos e chicas de terceiro que viñeron recitarnos un bonito poema de Antonio García Teijeiro

Grazas chic@s! Encántanos  recibir as vosas visitas!

Pombiña que escribes

co peteiro paz,

debuxa no ceo

as algas do mar.

Escribe un poema

cos versos de sal

e cóntalle ó vento

historias do val.

Pombiña que escribes

co peteiro pa z.

Rebule algareira

aquí no pombal.

Antonio García Teijeiro

Expobuxaina

Para os que non puideron achegarse polo cole para ver a exposición de buxainas, aquí vos deixamos unha mostra da mesma. Sorprende ver a cantidade de ideas diferentes que poden xurdir a partires dun obxecto tan sinxelo de forma como pode ser unha buxaina. Unha vez máis, grazas polo voso tempo e adicación.

Creacións presentadas na nosa clase

Laboratorio de Formas

Temos na biblio unha pequena exposición de figuras de Sargadelos que Bulebule reuníu para que poidamos desfrutar dunha mostra do resultado do traballo do señor Isaac Díaz Pardo. Neste trimestre probaremos a ser Creadores de Formas, así que xa comenzamos a practicar o oficio. Confiamos en que pronto crearemos as nosas propias obras de arte.

Gústanos a sopa de letras!

Non falamos da sopa para comer, non, falamos do pasatempo. Estamos aprendendo a resolver pasatempos con letras, xa que cáseque lemos coma os maiores... así que últimamente andamos entre as cruzadas e as sopas de letras. De primeiras parecía algo moi difícil, pero coma sempre, todo é poñerse, non desanimarse e volver a intentalo, e así, aos poucos, resolvemos cousas tan difíciles coma a da foto. Cada sopa de letras resolta merece un gran aplauso de todos os compis, e un premio adhesivo para casa. Aquí temos a Manuela, que foi a primeira en recibir os parabéns de todos nos.