Encargados de mesa

... E para comezar, responsabilidades novas!

Este curso cadaquén coidará de parte do seu material. Os lápices, pinturas e "rotulas"  deixan de ser material colectivo e pasan a ser de uso "persoal e intransferible", e para iso nada mellor que organizarnos por mesas e ter un encargado en cada unha delas que reparta e supervise á hora de recoller.

Os encargados/as de mesa desfrutarán do seu cargo durante unha semana completa! Ao mesmo tempo, seguiremos nomeando encargado do día, que manterá os privilexios adxudicados en cursos anteriores: poñer os calendarios,  ir de primeiro/a na fila, ser o axudante da profe, levar algo (sorpresa!) para casa, ...

Deixámosvos o cartel dos encargados de mesa tal e como está hoxe. Qué vos parece?

Estades preparados?

Xa estamos xuntos de novo, e xuntos viaxaremos ao longo deste último curso na etapa de infantil. Estade ben atentos, que o tempo pasa...

 voando.

Benvid@s de novo!!!

Polo cole estamos de volta, preparando xa todo para o comenzo do curso escolar. 

O vindeiro luns día 10 de setembro, de 10 a 13 h., podedes achegarnos os libros, se é que xa os tedes, nunha bolsa co nome escrito por fóra. 

O listado de material entregarémovolo ese mesmo día ou, se non nos vemos, o mércores 12, data de comezo das clases.

Ata entón,    

                                   desfrutade da semana !!!