Ata sempre!

Hoxe despedímonos de todos vos. Logo dun merecido descanso estival "os meus nenos e nenas" comenzarán unha nova etapa, confío en que coa mesma ilusión coa que rematamos ésta que agora chega ao seu fin.

Grazas a todos por estaren ahí, en especial aos nosos seguidores e aos nosos "comentaristas", que coas vosas aportacións axudastes a darlle vida a este rincón virtual da nosa aula. 

Bicos e abrazos para todos/as... e bo verán.

Vídeo de despedida

Por se o queredes ver de novo, e para os que non puideron estar o venres, deixámosvos o vídeo co que nos despedimos desta etapa que está a piques de rematar. Esperamos que vos guste.

Despedida

                                                           Hoxe despedímonos de Borja, o profe de prácticas. A fila para darlle o bico e a aperta de despedida parecía non rematar nunca... houbo quen repetíu varias veces!!! Ímoste botar de menos, Borja, volta cando queiras.

Por arte de maxia!

Temos unha maga na clase, e nós sen sabelo. Mirade, mirade !... cunha soa man aberta e a varita non se lle cae...!  Incrible, non sí?

Estamos abraiados, Ari!

Letras Galegas 2013

Hoxe foi un día chuvioso, así que tivemos que aprazar as actividades que estaban previstas para esta xornada, pero non por iso deixamos de adicar a semana a conmemorar as Letras Galegas.







 Unha homenaxe a 

Roberto Vidal Bolaño,

 unha sesión de cine en galego, 












e a elaboración do noso xa tradicional maio foron as nosas aportacións. 




Vos convidamos a visitar o mural que está exposto na entrada principal do cole... 

a cantos "Robertos" recoñecedes???

A noite estrelada III

Estabamos pendentes de realizar unha última montaxe co noso cadro xigante de Van Gogh; a versión de  primavera; desta vez non buscamos cores cálidas ou frías, senón que escollimos as cores alegres das flores para realizar... a noite estrelada máis divertida de todas! Gústavos?  

Se os queredes ver e comparar, hai xa días que os tres cadros están expostos no corredor de Infantil. Nos non sabemos por cal decantarnos, hai opinións para todos os gustos.

Creadores de formas

Continuando co noso proxecto de achegamento á figura de Isaac Díaz Pardo, o pasado trimestre andivemos a practicar o oficio da cerámica e convertímonos en creadores de formas. Inspirándonos  nos deseños de Isaac e de Luis Seoane, puxémonos mans á obra, e creamos as nosas propias obras de arte. Podedes visitar a exposición situada xunto á entrada da biblioteca cando queirades. 

Agardamos que vos guste!

http://naclasedecolorines.blogspot.com.es/2013/01/laboratorio-de-formas.html

http://naclasedecolorines.blogspot.com.es/2012/11/isaac-diaz-pardo.html

Coco

Por fin! Chegou o día de coñecer a Coco! E non nos defraudou! É un can moi tranquilo; acompañounos todo o tempo, namentras as súas coidadoras nos contaban a súa historia e nos recordaban como debemos coidar dos cans; e logo, deixouse acariñar por todos nós. Parécenos que esto é o que máis lle gustou; en canto sentíu as primeiras caricias tumbouse e deixouse facer coma se estivese a durmir. 

Deunos moita pena ter que marchar, pero non nos quedou outra...

Adeus,Coco! gustounos moito a túa visita! Volverás???

23 de Abril: Día do Libro

Con motivo da celebración do Día do Libro, hoxe tivo lugar no cole o noso primeiro cruzamento de libros. Todos aqueles nenos/as que aportaron algún libro para esta actividade puideron coller outro a cambio. Na clase de colorines foron moitos os participantes. Agardamos que desfrutedes das vosas novas lecturas.

E como recordo desta xornada, cada un de nos levou para casa un marcapáxinas deseñado cos debuxos gañadores do concurso de marcapáxinas organizado por Bulebule. Dous finalistas de cada aula optaron a ser os elixidos.  Noraboa a Alan e a Lola, que foron os seleccionados pola nosa aula, e noraboa tamén aos gañadores. Todos os debuxos eran ben bonitos.

Concurso de xoias

O curso pasado, por estas alturas, recibimos a noticia de que Pablo fora un dos premiados no concurso "unha xoia para a túa nai", organizada polo colexio oficial de xoiería de Galicia, así que este ano animámonos a participar todos. 

Con axuda da profe Silvia elaboramos os nosos deseños e...
unha das finalistas deste ano é a nosa compi Elisa. Na foto vémola coa carta que recibíu, na que se lle comunica a boa nova. Noraboa, Eli! Non é doado ser finalista... veremos que ocurre cós premios finais.

http://naclasedecolorines.blogspot.com.es/2012/05/unha-de-premios.html

Little Red Riding Hood

Vos sabedes que é o que falan a Carapuchiña Vermella e mais o Lobo Feroz cando se atopan nos contos ingleses? Escoitade con atención:






Lobo: "Where are you going now, Little Red Riding Hood?

Carapuchiña: "I´m going to Grandma´s house! I´m walking in the wood!"

Un periscopio!

Onte Manuela sorprendeunos con este periscopio que fixo na súa casa coa axuda do seu pai. Vímolo, collémolo, probámolo, pero non entendiamos moito o que pasaba, así que hoxe xogamos a un xogo para comprobar se efectivamente servía para ver alí onde a nosa vista non chegaba. Enriba do altillo da clase a profe colocou dous obxectos misteriosos que non podiamos ver dende a nosa altura. O reto consistía en descobrir de que se trataba usando o periscopio e, por suposto, gardando o segredo para que os compañeiros o averiguasen por si mesmos... que sería?

Grazas, Manuela! Encantounos o "invento"

Tío Lobo

Este venres os nosos amigos de 5º contáronnos a historia de  Carmela e  Tío Lobo. Moito nos gusta este conto! Había tempo que non o escoitabamos e, coma sempre, non nos defraudou.  

Gústannos moito as vosas historias! Grazas chicos!

 Deixámosvos o vídeo que temos na nosa sección de contos, por se non vos lembrades da historia...

Contacontos

Hoxe Bulebule tíñanos reservada unha sorpresa! Un contacontos na biblio! Escoitamos unha divertida historia acerca de Linda, unha vaca moi especial, e as súas andanzas pola granxa na que vive. O título do conto: "Linda á espreita". Encantounos!!!

A noticia do día

Xa cáseque rematamos esta ronda de encargados/as, e son moitas (e todas elas moi interesantes) as noticias que fomos recopilando ata o momento. Noutra entrada falaremos delas, pero o que agora queremos comentar é que a noticia de hoxe sí que foi impactante. Logo de que a nosa reporteira do día lese o titular analizamos a noticia, tal e como facemos con todas. Tras unha explicación adaptada á nosa idade (os que mandan en Corea do Norte están enfadados cós que mandan en Estados Unidos e dixeron que si se enfadan máis vanlles lanzar unha bomba) saltaron as alarmas:



-"Pues xxx vive en Estados Unidos!!!" (cara de susto)
-"Non te preocupes, que seguro que o din para asustar"
-"Y si lanzan una bomba de verdad?"
-"Non creo, pero se o fan seguro que a lanzan nun monte onde non vive ninguén"
-"Y si están los cazadores en el monte porque fueron a cazar?"
-"Antes se aseguran de que non haxa ninguén"
-"Y los animales?"
-"Eso xa non o sei, supoño que escaparán ao sentir o ruido da bomba"
-"Y si se equivocan y apuntan mal y nos cae encima?"
-"Non ho!, que o comproban con satélites e non se poden equivocar!"
-"Y si cae en el mar?"
-"Pois estoupa e provoca unha onda moi grande"
-"Entonces se nos inundan las casas!"
-"Non, que non estamos pegados ao mar"
-"Y los peces? Y si le cae encima a un tiburón?"
-"Pois pobre tiburón...!"

...

Unha vez plantexadas todas as dúbidas aplicamos a estratexia do despiste:

-"A que non sabedes que nova técnica de debuxo imos practicar hoxe? Hoxe imos pintar con gomas de borrar!"

-"Con gomas?" "Imposible!" "Son para borrar, no para pintar!" "Qué dices, Pili!!?" 

E o tema das bombas quedou esquecido ;)

   Lobo Feroz! Ese é o título do conto que hoxe nos contaron os nosos amigos de 5º. Dín que érase unha vez un lobo tan vago que, por non se esforzar, non comía máis ca papas de arroz. Un día mirouse ao espello e, véndose demasiado fraco,  acordou convertirse nun Lobo Feroz... 

Podedes atopar o vídeo na nosa sección de "Contos Musicados"

Moitas grazas, chicos! Encantounos o conto!

No Pazo da Ópera

Hoxe sí que puidemos ir de concerto! No  Pazo da Ópera agardaba por nós o grupo "arcos iris", pertencente á orquestra sinfónica de Galicia, que nos levou de viaxe por distintos ritmos da música e ensinounos a diferenciar os principais instrumentos de corda e arco. Foi moi divertido. 


E como remate, ofrecéronnos unha versión do "cumpreanos feliz" adicado a todos aqueles nenos/as que hoxe están de cumpreanos. Aínda que Joel cumpre mañán, non quixemos desaproveitar a ocasión. Felicidades Joel!!!

http://www.arcosiris.es/

O venres recibimos unha nova visita dun grupo de nenas de 5º. Viñeron contarnos un conto moi curioso... como facer unha rica sopa con nada??? 

Temos que dicir que ao remate da historia a todos se nos facía a boca auga.  

Gústannos moito os vosos contos!

Cantas visitas!

Estes dous últimos días recibimos unha chea de visitas na clase!




Tal e como prometeran, un novo grupo de nenas de 5º viñeron contarnos outro divertido conto. Desta vez falaba dun rapaz que tiña que coidar dun bebé moi boíño. O problema xurdíu cando o bebé botouse a chorar porque tiña fame, e o neno non sabía que lle dar de comer para calmalo... 

Un final máxico! Gustounos moito!

 Por outra banda, o 
profe Luis veu facer entrega dos diplomas pola participación no concurso de decoración de buxainas. Alan e Brais levaron mención especial polas súas creacións. Noraboa a todos os participantes! 

Na foto falta Raúl, que hoxe non puido vir á escola

E por último, hoxe viñeron Juan Alonso e Lorenzo, acompañados pola profe Amparo, para lernos algunhas curiosidades acerca de animais. Contáronnos cousas sorprendentes, como que os peixes de cores non teñen máis ca tres segundos de memoria, ou que os porcos non poden mover a cabeza cara arriba. Quedamos abraiados !!!

Contacontos!

Hoxe tivemos unha nova sorpresa! Un grupo de nenas de 5º viñeron contarnos un conto moi divertido que fala doutra nena que ten que tomar a sopa... pero a sopa queima, e haberá que facer algo para enfriala.

Fixéronno moi ben, e gustounos moito. Volvede cando queirades, que estaremos encantados de escoitar as vosas historias!

Graciñas polo conto! Encantounos!

Homenaxe a Rosalía

Hoxe fomos convidados á biblioteca para participar nunha homenaxe a Rosalía de Castro con motivo do aniversario do seu nacemento, e da conmemoración dos 150 anos da publicación de "Cantares Gallegos". Os nenos/as de 6º recitáronnos algúns dos seus poemas, e logo, en clase, vimos en vídeo diferentes versións de dous dos máis coñecidos: "adiós ríos, adiós fontes" e " airiños, aires".


Deixámosvos as versións que máis nos gustaron.

Taller de escritura

O venres adicamos un ratiño do noso tempo a escribir contos... calquera conto, cadaquén o seu. Tratábase de poñer a proba a nosa capacidade para escribir libremente, sen axuda.  

Déixovos unha mostra deles, a ver se vos gustan.

Para Guillermo

Esta semana naceu un novo irmanciño na Clase de Colorines. Dámoslle a benvida, e a noraboa á súa familia.

Entroido IV

Co pasarrúas de hoxe damos por rematada a semana do entroido no cole. Nos pasámolo moi ben, e confiamos en que todos vós desfrutárades tamén deste día de troula escolar. Estaremos de volta o xoves; ata entón,

que o pasedes ben!

Moitas grazas a todos pola vosa colaboración, e en especial  aos nosos acompañantes no desfile.

Concurso de caroutas

E durante o tempo de recreo tivo lugar, na nosa biblioteca, a entrega de premios do concurso de caroutas. Nesta ocasión unha das premiadas foi a creación de Mario, un sorrinte Doraemon que levou o 

premio á carouta máis animada! 

Noraboa Mario!

Entroido III

Eiquí nos tendes; facendo caso das ordes do Meco e vestidos ao estilo Hippie, pasamos unha mañán moi divertida...














... e hoxe festa novamente; desta vez difrazados ao noso gusto. Houbo de todo...

...futbolistas...

...fadas e princesas...

...servizos públicos...

...personaxes fantásticos...

...e personaxes populares!