Exame !!!

Onte houbo exame!. Tratábase de debuxar unha figura humana. As consignas:

• O folio debe estar en posición vertical.
• Debuxamos só con lápiz.
• Hai que facer a unha persoa, a que nós queiramos, pero somentes unha.

Mirade que ben o fixeron!

Woki

Temos un novo amiguiño. Coñeceuno Colorines cando foi explorar o espazo (tanto falamos dos planetas que lle entrou a curiosidade). Chámase Woki e pode falar, así que Colorines invitouno a coñecernos, e Woki dí qué pasará por aquí de cando en vez, a ver como nos vai. Se queredes coñecelo, mirade no lateral. Ten unha mensaxe para todos vós.

Día da árbore

Hoxe celebramos o día da árbore, e como xa ven sendo habitual, plantamos unha árbore na escola. Esta ano tocounos unha oliveira, así que alá fomos, todo Infantil, a plantar a arboriña. Aproveitamos a ocasión para transplantar un carballo que durmía, esquecido, baixo as hortensias, e que seguro que agora vai medrar mellor nesta nova ubicación.

Van chegando as cartas!

Contabamos con que tardarían un día máis, pero parece que as cartas tiñan présa por chegar aos seus destiños. Déixovos eiquí o "epistolario" completo. 

Cartas aos amigos

View more presentations from PiliR.

Cartas da amizade

As cartas van de camiño! Prestade atención aos vosos buzóns, que dentro dun par de días haberá correspondencia!