Os efectos da contaminación

Lembrades o conto do Merlo Rieiro, que nos invitaba a dar un paseo polo río? 


Nunha das súas páxinas fálanos da contaminación das augas, e iso é o que fixemos hoxe.








Enchemos un barreño con auga limpa (e patiño de goma incluído) e botámoslle os restos das nosas merendas, a ver que pasaba. Estabamos seguros de que a auga íase ensuciar, e o noso parrulo habería ter problemas para sobrevivir na súa improvisada lagoa, pero non imaxinabamos que orixinaríamos tanta basura. 

 Os comentarios: "Puaaagh!", "qué asco!", "pobre patito!"

O río Mandeo

Ata outro día, Vero!

Hoxe recibimos a visita da Verónica, que veu falarnos acerca dos ríos, en xeral, e sobre o río Mandeo, en particular. Contounos como é a vida preto do río, onde nace e como baixan as súas augas cara o mar, e presentounos ao Merlo Rieiro, que vive onda o río e ten moitos amigos.
Pasámolo moi ben con ela.

Os bits de intelixencia

Hai uns días unha nai comentoume que lle sorprendeu que o seu fillo identificase a raza á que pertencía un can co que se cruzaron pola rúa, e entón decateime de que nunca  falamos acerca dos "bits de intelixencia".


Todos os días, unha vez que o encargado/a actualiza os calendarios, e antes de comenzar a falar de temas varios na nosa "asamblea diaria", facemos un pase de bits, algo que sempre gusta moito.


Normalmente vemos tres bloques deles; cada semana collemos un bloque novo e deixamos de pasar o máis antigo, así que todos os luns temos bits novos.


Polo xeral, o primeiro día de pase parámonos a falar de cada un dos bits, comentando algo sobre eles e sobre a categoría á que pertencen (aves, planetas, razas de cans, ...). Logo comenza o pase: a profe ensina durante un par de segundos cada unha das imaxes ao tempo que dí o seu nome, e todos repiten o nome antes de que apareza a seguinte imaxe.
Nas dúas semanas seguintes serán os nenos/as quenes dirán o nome antes de que o diga a profe, e así prestamos máis atención, xa que a todos nos gusta acertar á primeira.


Tratamos de que os bloques sexan de dificultade variada; non é o mesmo identificar e recordar nomes de científicos que de instrumentos musicais, ainda que cada vez poñémolo máis difícil.


Poida que o seguinte documento vos aclare algo máis o tema:

Open publication - Free publishing - More bits

"Pedro y el lobo"

Letras Galegas 2012

Estamos de festa! 

Para celebrar o Día das Letras Galegas, e como xa ven sendo habitual no noso cole, nada mellor que unha divertida xornada de xogos tradicionais entre amigos.

E sobre Valentín Paz Andrade, deixámosvos unha simpática canción que atopamos na rede. 

Oitenta e nove mil primaveras(para Paz Andrade)

Que é pensar?

Hoxe reflexionamos un pouquiño acerca deste concepto. Evidentemente pensar é "pensar con el cerebro", "que está dentro de la cabeza". Así que, emulando ao "Pensador" de Rodin, puxémonos en situación e pensamos nalgo, cadaquén no que se lle ocurríu. E resultou que "pensar" é divertido (para cáseque todos/as, que hai opinións para todos os gustos).

Xogamos a Pensar

Recibimos nova carta de Juanita!


Desta volta deixounos un xogo de adiviñar, e para rematar, o conto dos ratiños cegos!!!


Pasámolo moi ben tentando averiguar de que se trataba o Algo Moi Raro, e ao final acertamos e todo!

Que sería ese Algo Moi Raro que atoparon os ratiños?

que tal o pasamos xogando con Juanita?

"Sete Ratos Cegos". Ed Young

Unha de premios

Temos novas que celebrar!


O noso Pablo participou, animado pola profe Sabela, nun concurso de deseño de xoias organizado polo colexio oficial de xoiaría de Galicia, e ...

gañou o terceiro premio da súa categoría.

A pasada semana desprazouse ata Santiago de Compostela onde participou na entrega de premios e recibíu o seu agasallo: a xoia que él mesmo deseñou. Mirádea que bonita.

Broche elaborado co deseño de Pablo

Deseño orixinal de Pablo

Entrega de premios

Noraboa Pablo, eres todo un artista!

Déixovos eiquí o enlace para que vexades os outros deseños merecedores de premio.