 |
| Postal elaborada por Brais |
22.12.10
21.12.10
Contacontos
Hoxe recibimos unha visita moi especial: Marta, nai de dous alumnos do cole, achegouse á nosa aula para contarnos un par de contos moi divertidos. Gustounos tanto, que cando rematou quedamos con ganas de máis. Moitas grazas, Marta! ... e volve cando queiras!
19.12.10
9.12.10
30.11.10
Receita de outono: marmelo
Onte as profes ensináronnos cómo se fai o marmelo. Hai que ter as mans moi limpas, e pór moito coidado ao cortar a froita e traballar co robot de cociña. O máis saboroso... o azucre.
Hoxe poidemos probar o marmelo. A cáseque todos gustounos moito, así que repetimos bocado, que un só sabía a pouco.
Bó proveito.
29.11.10
Para Marina, Raquel, Brais e Elena.
E por fin, xa naceron os catro bebés polos que estabamos agardando! Dámoslles a benvida a todos eles, e a noraboa ás súas familias.
20.11.10
As nosas primeiras escrituras
Xa somos quen de escribir (a nosa maneira) algunhas palabras que a profe nos deixa copiar. Eiquí tendes un exemplo de como son as nosas primeiras letras; pouquiño a pouco habemos de melloralas para que se asemellen máis ás que facedes os adultos; tan só é cuestión de darnos tempo...
11.11.10
5.11.10
Buscando o outono
Hoxe fomos en busca do outono polo patio do colexio, e sorprendímonos ao ver as árbores tan bonitas, con mezcla de verdes e amarelos nas súas follas a piques de caer no chan. Despois dunha pequena recolecta de "follas de outono" voltamos á clase, e gardamos as follas entre papeis de periódico, para que non se nos estropeen, e poder recuperalas dentro duns días, cando estean totalmente secas.
29.10.10
E chegou o SAMAÍN ...
...E mais de un se asustou ao escoitar falar de pantasmas e de bruxas, aínda a pesares de saber que estabamos xogando. Logo de ver o conto da cabaciña ("corre, corre, cabaciña, OQO editores) acordamos facer cada un de nós a nosa propia cabaza, e velahí o resultado... non vos asustedes!
28.10.10
Pouquiño a pouco...
Pois fai xa mais de mes e medio que comezamos este novo curso, e son moitas as cousas que fixemos. Ademáis de xogar, estamos xa afeitos ás novas rutinas escolares (entrada en fila, tempo de lectura, asamblea, tempo de traballo, merenda, recreo, xogos,..., hora do conto, recollida), coñecemos outros espazos da escola diferentes da nosa aula (ximnasio, biblioteca, aula de informática), experimentamos con distintas técnicas plásticas (picamos, espenicamos papeis ,pegamos adhesivos, pintamos coas mans ou cos dedos, probamos lápices, ceras brandas e duras, rotulas...), e xa somos quen de facer as nosas primeiras obras de arte!
Que vos parecen estes autorretratos?
22.9.10
E comezamos de novo...
Hai apenas uns días que comezou o novo curso escolar, e xa estamos coñecendo caras novas e descubrindo un novo entorno que dentro de pouco hanos resultar moi familiar.
Polo de agora o noso tempo na escola adicámolo a explorar os espazos, a coñecer a novos nenos e nenas, e a algún que outro mestre, a afacernos ás novas rutinas escolares,... e algúns a ser quen de quedar no cole sen chorar, que aínda que semelle unha tontería, non é tarea fácil cando son tantas as novidades.
Para pasar mellor o tempo, que vos parece se xogamos...?
22.6.10
E chegou o verán !!!
Rematamos a nosa etapa en Infantil, e á volta comezaremos na Primaria. Despedímonos da profe, e prometemos vir de visita polas aulas de Infantil de cando en vez.
Bo verán a todos!
19.5.10
Os Maios
Os nenos e nenas de Infantil realizamos un maio de flores de papel; flores
moi especiais, xa que cada unha delas contén unha
fermosa palabra galega escollida de entre aquelas que todos vós enviastes á
escola días atrás. Temos así flores que falan de volvoretas e
xoaniñas, de arcos da vella e papaventos, de bicos que as
nais dan aos seus fillos, de morriña, e moitas cousas máis. Grazas a
todos polas vosas aportacións.
moi especiais, xa que cada unha delas contén unha
fermosa palabra galega escollida de entre aquelas que todos vós enviastes á
escola días atrás. Temos así flores que falan de volvoretas e
xoaniñas, de arcos da vella e papaventos, de bicos que as
nais dan aos seus fillos, de morriña, e moitas cousas máis. Grazas a
todos polas vosas aportacións.
17.5.10
Día das Letras Galegas
Mural elaborado polo alumnado de 5 anos A e B
Ven a noite polos eidos,
vaise a tarde que nin xeme,
decindo adeus con un xeito
que nin sei nin se me esquece.
Uxío Novoneyra
26.4.10
Teatro interxeracional
O pasado mércores 21 de abril o grupo de teatro Vilaboa, ofreceunos unha divertida representación titulada "o noso merliño".
Pasámolo moi ben, seguindo as desventuras do merlo branco, e os seus esforzos por averiguar quen era de verdade.
VV
Pasámolo moi ben, seguindo as desventuras do merlo branco, e os seus esforzos por averiguar quen era de verdade.
VV
26.3.10
Palabras no ar
O Luns 23 de novembro desprazámonos ata a aula de usos múltiples de O Burgo para participar na campaña de dinamización lingüística “Palabras no Ar”. Alí agardaban por nós Patricia e Pablo, contadores de contos musicais, contos máxicos que nos levaron de viaxe ata a lúa, e nos trouxeron de volta á terra na procura dunha mascota, logo de andar ás carreiras a fin de axudar a mamá galiña para que o seu poliño non afogara. Todo elo acompañados do son de diferentes instrumentos musicais, que daban vida ou ambiente as historias, e axudábannos a identificar incluso a personaxes tan peculiares coma os chibos chibóns, que eran tres: un pequeno, un grande, e outro máis grande se cabe…
O rato da Lúa chámase Paco.
Paco marchou á lúa porque lle tiñan dito que era
de queixo fresco. Meteuse nunha nave espacial e, …
Había unha vez un poliño que estaba comendo coa súa mamá galiña baixo unha abeleira. Nestas atragoouse cunha abelá e case afoga. Entón a mamá galiña correu á casa da ama:
-Ama, veña á abeleira a sacarlle ao meu poliño unha abelá.
Non se faga de rogar, que pode afogar.
Amelia entrou no salón. O seu pai estaba sentado na súa cadeira favorita lendo o xornal. “Papá”, dixo ela. “Estaba pensando...”.
O seu pai suspirou. «Cando Amelia pensa, seguro que hai problemas». Amelia continuou: “Papá, non poderiamos ter un can?”
Tres chivos vivían no alto dunha montaña: un era pequeño, outro mediano, e o terceiro era un chibón grande. Un día decidiron baixar e dirixirse ao outro lado do río para comer herba. Tiñan que cruzar una ponte, pero o malo era que alí vivía un trasno malvado… A herba era tan rica que os chivos decidiron enganalo. Cómo?...
O rato da Lúa chámase Paco.
Paco marchou á lúa porque lle tiñan dito que era
de queixo fresco. Meteuse nunha nave espacial e, …
-Ama, veña á abeleira a sacarlle ao meu poliño unha abelá.
Non se faga de rogar, que pode afogar.
O seu pai suspirou. «Cando Amelia pensa, seguro que hai problemas». Amelia continuou: “Papá, non poderiamos ter un can?”
5.3.10
24.2.10
Unha do Magreb...
Esta es la historia de una cigarra que se quería casar pero no le gustaba ninguno de sus pretendientes. Un día, por fin, conoció al ratón, se enamoró de él y se casaron. Eran muy felices: la cigarra se ocupaba de la casa y el ratón traía comida. Pero un día...
Suscribirse a:
Entradas (Atom)
